Welcome to my blog, hope you enjoy reading :)
RSS

الثلاثاء، 25 مايو 2010

معرفش ليه " احاسيس غريبة "


صحابي احبابي جيراني

كل الى ليا ف الدنيا دي

معرفش ليه فجأءه جالي

احـاسيس غـريـبة شوية كتار كدة مش عارف ده ايه هل ده اكتاب

هل ي خنقه من حاجة معينه بس انا مش عارفها

معرفش في ايه

هو ممكن الواحد يوصل لدرجة فرح معينه و بعدها وصل انه حزين اوي

و لا عشان احنا مش بنعرف اصلا نفرح كويس فتعبت انا للدرجة دي

و الله حرام بقى دة ظلم و الله العظيم زي ما قال دياب

حت الاغاني الى بقيت بسمعها حزينة

حتى دخان السجارة مش طايقة

حد يعرف ده ايه ؟؟؟؟؟؟؟

10 التعليقات:

Ramy يقول...

ازيك عمرو

رسالة جميلة لنفسك انت خرجت كل الغضب اللى جواك

بص انا كنت عامل زيك من يومين بالظبط

حتى انا قررت انى مش هدخل لا المدونة ولا الفيس بوك يومين تلاتة كدة لغاية ما اهدى

لقيت لأ دة انا قربت اتعب اكتر مستحملتش

فحولت كل المشاعر السيئة والسلبية دى لحاجة احسن لطاقة اتابع بيها كل الناس اللى معايا انتم

بمعنى ادق بصيت لنص الكباية الليان انا اية اللى خرجت بية كويس من اى تجربة كنت سعيد فيها بس متحققتش فخلتنى حزين

لا حققت منها كتير انى اتعرفت على الناس الكويسة دى

ومنهم ابو قلب طيب هو عارف نفسة

وانا عملت مدونة بسبب اللى كنت فية وكنت مش هكمل بس فكرت قولت لأ يعنى تطلع لقدام وانا ارجع

وانت يا صحبى اسمح لى اقولك يا صحبى وسط الكلام كدة (:(:(:

لازم تبص للمريت بية اكيد اكيد فية حاجة ايجابية هتطلع بيها


دة رغاى رغى (:(:(: معلش

شكرا يا صحبى

حـــــروف متــبعترة " عــمرو الشــايب يقول...

قشطة يا صاحبي
و ابو قلب طيب بيقولك انت الى بقيت ابو قلب طيب احسن منه
بس بيني و بينك كله وسط الناس كويس و بعيد عنك بيبقى لوحده يحس انه الون فور ايفر و نعمل كاننا مدرسين عنجليزي و سيبك انت
المهم انت مش رغاي ولا اى حاجة يا جدع ان مختش رحتك ف الكومنت هتاخد راحتك فين
ولا انت بخيل بقى
يالا صباح الخير و سيبك انت و اضرب سجارة مع كوبايه شاي من غير اى اكل و هتبقى ف السحااااااااااااب
هههههههههههههههههههههههههههه

sweet angel يقول...

لالالالالالالا
مش علشان احنا بس مش بنعرف نفرح كويس

لالالالالالا
ده احنا بنهوى النكد
وبنحبه زي عنينا
تلاقي الواحد يوم فرحه قلقان وخايف وبيقول يارب يعدي بخير ومحدش يعمل حادثه في الزفه ولا حد يتسرق ولا حاجه

وهكذا

اما بالنسبه للي بيحصل معاك ده فأنا قولتلك ان انا عارفه سببه

وممتنعه عن الاجابه الي انت عارفها ومتأكد منها كويس جدا

ربنا يهديك ويزكي نفسك ويرزقك السعاده

حـــــروف متــبعترة " عــمرو الشــايب يقول...

الاجابة هي ايه يا مروة
لو الى ف دامغك تبقى غلطانه و الله غلطانه اوي

الزهرة البرية (Joudy) يقول...

أقولك أنا بقى علشان الفرحة بتبقى مستنيها بشوق وفاتح لها كل الأبواب وخلاص عارف ميعادها وهوب تلاقى الفرحة اختفت من قصادك وكأنك كنت فاتح أبوابك لسراب غلطتنا إننا بنفرح بالفرح قبل ما يجى بشكل كبير علشان كده لما بيحصل اللى بيحصل حزننا بيزيد وبتحس بألم ما تقدرش تحدد مكانه أهم من كده إننا نستنى الفرح بس مش ننصب له الزينة على الأقل الخساير مش تكون فادحة

دمت بكل الخير والسعادة

حلمى البعيد يقول...

عمرو
إنت عارف أحلى مافي التوبك إنك مش طايق دخان السيجاره
بس دى حاله بتحصل كتير
وأكتر أسبابها هروب من حاجه إحنا خايفين منها
ويمكن بنداريها حتى عن نفسنا ويمكن عشان كده مبنقدرش نحدد سبب حزننا إيه
بس قول
ياااااااااااااااااااااااارب
من قلبك
وربنا بيفرج كل شئ إن شاء الله
تحياتى ياعمرو

شوية قهوة يقول...

كل الناس بتمر عليهم حالة زي ده
بس مش المفروض ان احنا نستسلمله
نحاول نقاوم واكيد فترة وهتعدي

حواء يقول...

اللى انت حاسه ده عادى جدا بيحصل لكل حد واى حد فى الدنيا ولو ماحصلش يبقى فى حاجة غلط الاحساس ده انا فيه على طووووووول

دموع الورد يقول...

رائعة الكلمات
بس احنا كدة


بنخاف من الفرح
لانه مش دايم
وفي ثواني
نرجع للحزين
رفيقنا




لعبتي يا وردة في الريح وقلبي لعب
لاتعبتي من الريح ولا قلبي تعب
احنا كدة..نرتاح في صخب الجنون
وفي السكون نخاف اوي ونترعب

حـــــروف متــبعترة " عــمرو الشــايب يقول...

احسن حاجة انك تفضفض وتطلع اللي جواك
خاصة لو كانت احاسيس سلبية ومش ينفع انك تقول ان الفرحة كتيرة عليك او انت متعود ع الاحزان كدة عمرك ماهتحس بالفرحة ودايما هتكون ناقصة ود ليه عشان انت حاطط في تفكيرك ان السعادة عمرها قصير وان ضربات الدنيا اثرت فيك وخلت الفرحة دايما مش كاملة
بص اهم حاجة تعيش حياتك ولحظة الفرحة تعيشها بالطول والعرض وانسي اللي فات
ولو قابلتك لحظة حزن اعتبره كابوس اوحلم وهتصحي منه ومش تخلي اي حاجة سيئة تاثر فيك الدنيا اجمل بالوانها الفاتحة مش لازم نغمقها
سوري طولت عليك
ارق تحياتي
الملاك البرئ