Welcome to my blog, hope you enjoy reading :)
RSS

الخميس، 23 ديسمبر 2010

رمتينا وراجعه تدوري علينا


الوقتي الكل بقي على القهاوي مترصص زي الفول في الورقه متقرطس ايدهم متبته في السجاره وهما في الحاره رايحين جايين بيدوروا على شغل لحد عارف يشتغل ولا حد عارف يتشل التفكير سيطر على العقول واتظبطت الافكار بالمساطر ولاحد فاكر انه كان شاطر لحكومة بتدي فلوس ولا بتدي فرص دي بتدي بالزخمه و الشلوط اسرائيل ندهت عليهم انتوا فين يا شباب دنا معايا المال بس شد الترحال تعال عندنا تكسب مننا و تبقى واحد زينا راح الولد شايل شنطته رامي همه تحت جزمته نسى بلادي بلادي و نسى الاغاني الوطنية نسى رافت الهجان و بقى نفسه يبقى زي جمال مروان وكله بقى في التوهان بدل ما يدولي خدوا مني فلوسي يا على تعليمي يا على على علاجي تقولي وطن وطن مين يا جعان دنتا مش لاقي حاجة تاكلها حتى في رمضان سبنا نقول الى جونا و ناخد فلوس تبقى في يوم مكفينا مش عيب تبقى بيعانا و تقولي ليه بعتوني بعنا ايه وكسبنا منك ايه دنتي طول عمرك سيبانا ودايما مضروبين وولادك الى ناهبيك ساكتين ليوم شفنا فيكي سعد ولا خدنا منك وعد دنتي عجزتينا و رمتينا راجعه تاني تدوري علينا.

عمرو وائل الشايب

20/12/2010

مجله هــرشــه دمــاااااغ

مجله احـسـاس انـســان

3 التعليقات:

mena يقول...

حلوة اوى الخاطرة دى بجد تسلم الايادى

كلماتك ولا اروع نفسي اقدر اكتب بالاسلوب

ده او ف النوعيه دى من الخواطر بس للاسف

سقفى مش عالى ف الحاجات دى انتى موهوب

بجد تقبل مرورى وتحياتى لك...اختك منه

هـــرشــــه دمــااااااااغ "3mr wa2el " يقول...

منه
نورتيني اولا
ثانيا ان شاء الله انتى توصلي باسلوبك و ابداعك و رقتك لاكتر من كدة
ثالثا اخجلتم تواضعنا
و شكرا لكلامك الرقيق ده

حلمى البعيد يقول...

ازيك يا عمرو
عندك حق والله
مفيش أى فرص لينا نثبت وجودنا
ووقت الجد يبقي لازم احنا اللى نقف ونتكلم
وبرده .. بسكتونا بالقهر
البلد دى كانت هتبقي احسن لو كانت فعلا جمهوريه ديمقراطيه

تسلم يا عمرو
بجد كلام جميل