Welcome to my blog, hope you enjoy reading :)
RSS

الجمعة، 22 أكتوبر 2010

يـــا خســـارة على الحلم


تخيل كدة انك في يوم قاعد و بتخطط لمستقبلك
نفسك بكرة يجي و الوقت يعدي زي الرهوان
كانك متراهن في سباق خيل انك تكسب الحصان الفلاني
ـــــــــــــــــــــــــــــــــــــــــــــــــ
تخيل لما تكون بترسم حاجة حلوة اوي و بتبدء فيها و خلاص ان الاوان انك
تنهيها ... و تلاقي فجاءة لون غامق وقع عليها خلى شكلها مش باين فيها حاجه
ـــــــــــــــــــــــــــــــــــــــــــــــــ
فجاءة لما تخطط لمستقبلك و خلاص ان الاوان ان حياتكك تظبط
بعد ما ربنا قدر يخليك سعيد و ان الدنيا بقت بمبي بمبي
ـــــــــــــــــــــــــــــــــــــــــــــــــ
لما تلاقي حاجة ممكن تقلب حياتك و تغير بلاش تغير تاخر مستقبلك يجي لسنتين قدام
سنتين هيعدوا قوام بس الى انت بترسمه و تخططه باذن الله
ممكن مش يبقى ان الاوان له
عشان يمكن ربنا عاوز كدة
او يمكن عشان انت حلمت كفايه و مقدرتش تحط حاجة للظروف
ـــــــــــــــــــــــــــــــــــــــــــــــــ
عشان بقينا بنفكر و بدون ما نحط حدود
او نسيب حاجة للظروف
ـــــــــــــــــــــــــــــــــــــــــــــــــ
لما تلاقي الدنيا فجاءة قلبت شبورة في عز ما انت سايق في الطريق عربيه بتحاول تخليها حلوة و مريحه
و مهما جت من مطبات منتش حاطط اهميه عشان تعرف تكمل و تمشي
فجاءه تلاقي حاجة بتعكرها
طب يا تــرى
هتحمل
ولا خلاص ان الاوان ارفع الاستسلام
طب لو حصل الظرف دة و اتحقق
هل يا تري يا هل ترى
الرسم هتستني لما تكمل و لا الزمن هيمحيها و مش هتكمل
يا خسارة يا زمن

6 التعليقات:

طالبة مقهورة ..درجة أولى يقول...

انا بكره الوقت..وبحب الحلم بدون حدود بس متوقعش اني احقق الاحلام المستحيلة
عشان احنا في زمن بيقتل الاحلام ويوأدها مش بيحققها

ده مش معناه اننا نقف ونستسلم للظروف
الظروف حاجة بسيطة احنا للي بنصنعها
بس القدر الحاجة الوحيدة اللي مش نقدر نغيرها

عشان كده فيه فرق :)

حاول تاني وان شاء الله تطلع لوحتك احلى

هـــرشــــه دمــااااااااغ "3mr wa2el " يقول...

احنا فعلا في زمن بيقتل الاحلام
بس القتل ممكن يبقى فيه جثه للاحلام مش يدمرها كدة

Ramy يقول...

علشان كدة عمرى ما حلمت

و لم حلمت بقى الحلم أبعد من انى احققه

علشان كدة مش هحلم تانى

كلام من قلبي يقول...

كتير بخاف احلم احسن افوق على كبوس
بس بحاول اني احقق احلامي
كلامك مظبوط
تحياتي

نبع الاحساس يقول...

ان شاء الله خير
والموضوع هيخلص باذن الله على خير
ما تخافش ومضايقش نفسك
وقول ياااااااارب بس

حلمى البعيد يقول...

إزيك يا عمرو
إنت ليه بتستسلم
مش جايز حلمك أدامك محتاج خطوة جرأه
أو جايز يكون إنت اللى خليت الشبوره تقف في طريقك
أو خليت حد ميستهلش يقف ف طريق أحلام
ف ناس كتير قلوبها مريضه
ممكن إنت تشوف إنت عاوزه إيه وتمسح الضباب وتصفي حياتك من الحاجات اللى بتهدمك
وتوصل لأحلامك
أنا عارفا إنك إنسان كويس جدا
وأكيد جهدك مش قليل كده
صح؟
دوس على أى شئ وعدى للى إنت بتحبه وعاوزه